विद्यार्थी साहाय्यक समिती
ग्रामीण भागातील हजारो विद्यार्थ्यांच्या जीवनात परिवर्तन घडविणारी संस्था आणि युवा परिवर्तनाचे केंद्र म्हणून विद्यार्थी साहाय्यक समितीच्या कामाकडे पाहिले जाते. समिती ही धर्मादाय आयुक्त कार्यालयाकडे सार्वजनिक विश्वस्त अधिनियम १९५० च्या कलम ५० ए (३) अंतर्गत नोंदणीकृत (क्र. ई-२१९, पुणे) संस्था असून संस्थेचे कार्यक्षेत्र संपूर्ण भारतभर आहे. समाजातील आर्थिकदृष्ट्या दुर्बल परंतु गुणवत्तेच्या जोरावर काहीतरी ध्येय ठेवून धडपड करणाऱ्या विद्यार्थी-विद्यार्थिनींना पुण्यात अतिशय माफक दरात राहण्याची आणि जेवणाची सोय उपलब्ध करून द्यावी या हेतूने ज्येष्ठ गणितज्ज्ञ डॉ. अच्युतराव आपटे, स्वातंत्र्यसेनानी हरिभाऊ फाटक, सुमित्राताई केरकर आदींनी १९५५ मध्ये या कामाला सुरवात केली.
उपक्रम
अल्पदरात निवास व भोजन पुरवणे एवढ्यापुरतेच मर्यादित समितीचे कार्य नाही तर येथील विद्यार्थ्यांचा व्यक्तिमत्त्व विकास हे समितीचे मुख्य ध्येय आहे. त्यासाठी विविध कार्यक्रमांचे आयोजन केले जाते. विद्यार्थी व्यवस्थापनातून या ग्रामीण युवकांचे सुसंस्कारित आणि आत्मविश्वासपूर्ण पिढीत रुपांतर करण्याचा समितीचा मनोदय आहे.
गटचर्चा, इंग्रजी भाषा वर्ग. इंग्रजी प्रेझेंटेशन, योगासने, क्रीडा (अनिवार्य), सांस्कृतिक कार्यक्रम (पाककला, वादविवाद, वत्कृत्व, कथाकथन आदी स्पर्धांचे आयोजन), विविध क्षेत्रांतील तज्ज्ञांची व्याख्याने, शैक्षणिक सहली, उद्योजकता विकास उपक्रम, विद्यार्थी व्यवस्थापन.
सुविधा
समिती म्हणजे केवळ लॉजिंग बोर्डिंग नाही तर येथे माफक दरात निवास, भोजन व्यवस्थेबरोबर
व्यक्तिमत्त्व विकास या संकल्पनेला सर्वाधिक महत्त्व असते. स्वच्छता, समता आणि श्रमप्रतिष्ठा या त्रिसूत्रीवर समितीचे काम चालते. एका खोलीत तीन ते चार विद्यार्थ्याची व्यवस्था असते.
प्रत्येकाला स्वतंत्र कॉट, गादी, टेबल, खुर्ची, कपाट मिळते. पंखा, गरम पाणी या सोबतच, संगणक प्रशिक्षण, सुसज्ज ग्रंथालय, आरोग्य केंद्र, खेळासाठी साहित्य आदि सुविधा उपलब्ध केल्या जातात.
विश्वस्त मंडळ: (२०२३-२०२६)
विद्यार्थी साहाय्यक समिती ही पुणे स्थित एक सार्वजनिक सेवाभावी संस्था असून तिचे कार्यक्षेत्र भारतभर आहे. (नोंदणी क्रमांकः ई-२१९ . सार्वजनिक विश्वस्त अधिनियम १९५० च्या कलम ५० ए (३) अंतर्गत.)
संस्थेचे ४० वर्षांहून अधिक काळ अध्यक्ष आहेत. सकाळ माध्यम समूहाचे अध्यक्ष असून पुण्यातील विविध सामाजिक संस्थांसाठी अनेक वर्षे काम करत आहेत.
पद्मश्री प्रताप पवार
अध्यक्ष
मराठवाडा मित्रमंडळ संस्थेचे कार्याध्यक्ष आहेत. समितीच्या कार्याशी गेली पंधरा वर्षांहून अधिक संलग्न आहेत.
डॉ. भाऊसाहेब जाधव
कायम विश्वस्त
संस्थेचे माजी विद्यार्थी असून गायकवाड एंटरप्रायझेस लिमिटेडचे कार्यकारी संचालक आहेत. गेली तीस वर्षे संस्थेच्या कार्याशी संलग्न आहेत.
श्री.तुकाराम गायकवाड
कायम विश्वस्त
संस्थेचे माजी विद्यार्थी असून अल्फा बाईट कॉम्प्युटर्स संस्थेचे संस्थापक आहेत. तीस वर्षांहून अधिक काळ संस्थेसाठी कार्यरत आहेत.
श्री. तुषार रंजनकर
कार्यकारी विश्वस्त
बँकेतील निवृत्त अधिकारी असून देणगीदार म्हणून समितीशी जोडले गेले. पुढे या कार्यात वेळ द्यायला सुरवात केली. सध्या विश्वस्त असून खजिनदार पदाची जबाबदारी सांभाळत आहेत.
श्री. संजय अमृते
खजिनदार
संस्थेचे माजी विद्यार्थी असून इंजिनिअर म्हणून विविध बहुराष्ट्रीय कंपन्यांतील कामांचा अनुभव आहे. संस्थेच्या विविध प्रकल्पांची जबाबदारी सांभाळत आहेत.
श्री. रत्नाकर मते
विश्वस्त
लेंड अ हँड इंडिया (लाही) या संस्थेच्या संस्थापक अध्यक्ष. समितीच्या कार्याशी अनेक वर्षांपासून परिचित
श्रीमती सुनंदा माने
विश्वस्त
उद्योजिका, लेखिका व स्टार्ट अप मार्गदर्शक. समितीच्या उद्योजकता विकास कार्यक्रमात सक्रिय सहभाग
डॉ. ज्योती गोगटे
विश्वस्त
समितीच्या अन्नपूर्णा म्हणून प्रसिद्ध, अनेक वर्षे समितीच्या भोजनालयाची जबाबदारी सांभाळतात
श्रीमती विनया ठोंबरे
विश्वस्त
आयआयटी मुंबई येथे शिक्षण, आत्मजा फाउंडेशनच्या संस्थापक अध्यक्ष, अनेक माहिती तंत्रज्ञान कंपनीच्या संचालक, पंमकिन पॅच डे केयर या कंपनीच्या व्यवस्थापकीय संचालक
श्रीमती प्रीती राव
विश्वस्त
आयआयटी मुंबई येथून केमिकल इंजीनीरिंग मध्ये शिक्षण, मॅनेजमेंट गुरु, रिलायन्स, थरमॅक्स, अॅक्वाफार्म, रोहम अँड हास यासारख्या जगप्रसिद्ध कंपन्यांमध्ये काम, रोटरीच्या कार्यात सक्रिय सहभाग
डॉ. मकरंद फडके
विश्वस्त
समितीचे माजी विद्यार्थी कार्यकर्ते, सुलझर इंडिया या जगप्रसिद्ध कंपनीत मानव संसाधन विभागाचे प्रमुख म्हणून काम, गायकवाड एंटरप्राइज कंपनीचे संचालक
श्री. मनोज गायकवाड
विश्वस्त
निटॉर इंन्फोटेकचे संस्थापक, भाऊ इन्स्टिट्यूटचे माजी संचालक, भारतासह दुबई व मस्कतमधील अनेक कंपन्यांच्या संचालक मंडळावर कार्यरत.
श्री. चंद्रशेखर पोतनीस
विश्वस्त
११ वर्षे सिंजेंटा इंडियाचे सीईओ आणि कंट्री हेड. फाईन ऑरगॅनिक इंडस्ट्रीज लि., कोटक महिंद्रा इन्व्हेस्टमेंट लि., कोटक महिंद्रा बँक, इंडो स्विस सेंटर ऑफ एक्सलन्स, ब्ल्यू डॉर्ट अशा संस्थांमध्ये अध्यक्ष आणि इंडिपेंडेंट डायरेक्टर म्हणून जबाबदाऱ्या.
श्री. प्रकाश आपटे
विश्वस्त
समितीचे माजी विद्यार्थी असून एल. आय. सी. विमा प्रतिनिधी म्हणून तीसहून अधिक वर्षे काम. समितीत कार्यकर्ता म्हणून विविध जबाबदा-या सांभाळत आहेत.
श्री. नंदकुमार तळेकर
विश्वस्त
समितीचे माजी विद्यार्थी. सकाळ माध्यम समूहात २९ वर्षे कामाचा अनुभव. माजी विद्यार्थी मंडळाचे ६ वर्षे अध्यक्ष.
श्री. चंद्रकांत कुलकर्णी
मुख्य विकास अधिकारी
लॉजिस्टिक्स, ऑपरेशन्स अँड सप्लाय चेन मॅनेजमेंटमध्ये १० वर्षे कामाचा अनुभव.
श्री. दुर्गेश पवार
मुख्य कार्यपालन अधिकारीविद्यार्थी साहाय्यक समिती
विद्यार्थी साहाय्यक समिती ही पुणे स्थित एक सार्वजनिक सेवाभावी संस्था असून तिचे कार्यक्षेत्र भारतभर आहे. (नोंदणी क्रमांकः ई-२१९. सार्वजनिक विश्वस्त अधिनियम १९५० च्या कलम ५० ए (३) अंतर्गत.)
चांगल्या कामासाठी दानशूरांची सदैव हाताने मदत डॉ. सदानंद मोरे यांचे मत ; विद्यार्थ्यांनी संकलित केलेला निधी संस्थेकडे सुपूर्त
आपल्या समस्यांवर आपणच उपाय शोधायचे; इतरांसाठी ते फक्त डब्बे!
अजरामर मराठी गीतांचा सुरेल नजराणा
माजी विद्यार्थी, देणगीदार, हितचिंतकांच्या मनातलं
-
समिती सारखी संस्था अस्तित्वात आहे याची मला कल्पना नव्हती होस्टेल सगळीकडेच असतात पण होस्टेल हे विकास केंद्र होऊ शकते आणि त्यातून मुलांच्या भवितव्याचे शिल्प तयार होऊ शकते, असे काही असेल मी हे पहिल्यांदाच पाहिले. त्यामुळे मला खूप आनंद झाला आणि आश्चर्यही वाटले. समितीच्या कार्यासाठी खूप खूप शुभेच्छा!
संदीप आसलेकर
स्ट्रॅटेजिक फोरसाइट ग्रुपचे संस्थापक -
समितीतून मी नुकताच बाहेर पडलो. संगणक अभियांत्रिकीचे शिक्षण घेताना इथला चार वर्षाचा निवास अतिशय अविस्मरणीय होता. समितीमधील प्रत्येक गोष्ट खूप काही शिकवणारी आहे. चार तास काम, योगा, कमवा – शिका, पाल्य पालक योजना या सर्व उपक्रमांतून खूप काही शिकायला मिळालं . खरं तर गावाकडून आलेला एक साधारण विद्यार्थी ते जबाबदार, स्वावलंबी, नागरिक हा प्रवास समितीमुळे सुखकर झाला. महाविद्यालयाने ४ वर्षात software चा code decode करायला शिकवलं. पण समितीने आयुष्याचा code decode करायला शिकवला.
विवेक औटी
विद्यार्थी -
एका अत्यंत सुंदर संस्थेचा परिचय झाला. संस्थेत काम करणाऱ्या व्यक्ती म्हणजेच संस्थेची ओळख असते. येथील सर्वजण अतिशय निरलसपणे काम करत आहेत. इथल्या विद्यार्थ्यांना विविध उपक्रमांतून जे मिळते ते नक्कीच जीवनशिक्षण आहे. मला काय त्याचे… असा समाजात विचार असताना समितीचे विद्यार्थी मलाच त्याचे असा विचार करताना दिसतात. या मुलांमध्ये सामाजिक जाणीव निर्माण केल्यामुळे माजी विद्यार्थी परत संस्थेकडे येत आहेत, हे कौतुकास्पद आहे.
पद्मभूषण सुमित्रा महाजन
लोकसभेच्या माजी अध्यक्ष